Aadu Aadu Panth Nivan Pad Moto Bhajan Lyrics in Hindi
आदु आदु पंथ निवण पद मोटो,
संगत संतों वाली करिया रे,
साधुभाई बिना निवण कुण तिरिया ।
मूल रे कमल बिच चारों चौकी,
गणपत आसन धरिया ।
आसण मार इदक होय बैठा,
जाप अजम्पा जपिया रे,
साधुभाई बिना निवण कुण तिरिया ।
पेलो निवण म्हारा मात – पिता ने,
उत्पुत पालन करिया ।
दूजो निवण इण धरती माता ने,
जिण पर पगल्या धरिया रे,
साधुभाई बिना निवण कुण तिरिया ।
तीजो निवण म्हारे गुरा पीरां ने,
हृदये उजाला करिया ।
चौथो निवण इण सतरी संगत ने,
जिण में आय सुधरिया रे,
साधुभाई बिना निवण कुण तिरिया ।
निवण करूं म्हारा ज्योति सरूपी,
होय इन्दर होलरिया ।
इमरत बूंदां बरसण लागी,
मान सरोवर भरिया रे,
साधुभाई बिना निवण कुण तिरिया ।
बिना पाल भवसागर भरिया,
गुरु शरणां में उबरिया ।
गुरु शरणे माली लिखमो जी बोले,
भूल भरम सब टलिया रे,
साधुभाई बिना निवण कुण तिरिया ।
आदु आदु पंथ निवण पद मोटो,
संगत संतों वाली करिया रे,
साधुभाई बिना निवण कुण तिरिया ।
Beta Sarwan Pani To Pila Lyrics – बेटा श्रवण पानी तो पीला प्रकाश माली भजन
Jagi Jagi Diwla Ri Jyota Jagi Maa Lyrics – जागी जागी दिवला री ज्योत जागी
Aadu Aadu Panth Nivan Pad Moto Bhajan Lyrics in English
aadu aadu panth nivan pad moto,
sangat santon vaalee kariya re,
sadhubhai bina nivan kun tiriya.
mool re kamal bich chaaron chaukee,
ganapat aasan dhariya.
aasan maar idak hoy baitha,
jaap ajampa japiya re,
sadhubhai bina nivan kun tiriya.
pelo nivan mhaara maat – pita ne,
utput paalan kariya.
doojo nivan in dharatee maata ne,
jin par pagalya dhariya re,
sadhubhai bina nivan kun tiriya.
teejo nivan mhaare gura peeraan ne,
hrdaye ujaala kariya.
chautho nivan in sataree sangat ne,
jin mein aay sudhariya re,
sadhubhai bina nivan kun tiriya.
nivan karoon mhaara jyoti saroopee,
hoy indar holariya.
imarat boondaan barasan laagee,
maan sarovar bhariya re,
sadhubhai bina nivan kun tiriya.
bina paal bhavasaagar bhariya,
guru sharanaan mein ubariya.
guru sharane maalee likhamo jee bole,
bhool bharam sab taliya re,
sadhubhai bina nivan kun tiriya.
aadu aadu panth nivan pad moto,
sangat santon vaalee kariya re,
sadhubhai bina nivan kun tiriya.
